POESIE di RINO BRAGADIN

CARNEVAL DI FANES

(1937)

Fra 'n pied che sguila
e un che strila
fra nev e bora
lu scapa fora!!
Alora c' pia
cla frenesia
che c'impapina
e ce strascina
ce fa immatì
e ce fa dì:
- O Carneval,
che le gambial,
le fregatur
e rabiatur
ce fai scurdà
e supurtà!
O Carneval,
che tuti i mal
té, lì per lì,
ce fai guarì!
Ma nò en ce scocia
per la sacocia:
monta su in gloria
fra la baldoria! –
E da la gioia
te prend cla voia
chel tal suchè
dentra de te,
che va su e giù
ch'en ne pu più.
Sa chel sgarus
com i galus
bàlan tla festa
che prend la testa
le gamb el cor
fa nì l'amor.
Insiem ridén,
cantàn, bevén
du'chel bichier
che da 'l piacer
san e giucond,
se scorda 'l mond.
Fra na matata
e na risata
men de sfugita
pasa la vita;
men de bunora
se va in malora.
O Carneval...
quant si genial!!
già che ce sia
en gì più via!!!

* * * * *

RICETTA PER TUTT I MAL

(24/5/1946)

Se c'avet un sach d'pensier
pini d' rabia, d'umor ner,
corna in casa sa la mój,
manca un sold tel purtafoi.
Se stat mal d' nevrastenìa
o ve prend la nustalgìa;
la pulitica e j'afari
v'ha fat ni peg d'un lunari?
Se un dent bugh ve porta a pr'aria
o c'avesi l'urticària
e gratala en la pudet
che c'avet i giradet;
un furùncul ch'en se veda
che en ve fa stà un con a seda
e per gionta anca un call bel
che ve fa veda le stel?...
En avet d'avé paura:
per sti mal c'è na gran cura,
la riceta è pronta e fresca,
basta el nom: CARNEVALESCA!!
Fatve soci de vulata
per gì a fa la sumarata.
Un sumar... inteligent,
ve darà el divertiment,
e la musica arabita
ve daran salut e vita;
a Pcuran tla scampagnata
ce sarà bona brigata.
E prò dop quand sit guarit
sol ma me ringrasiarit.

* * * * *

CARI FANES

(1949)

Gent de Fan, o fanes mia
sia del port, del fusaton
d'San Ljunard, dla Ciuciaria
sia dla piasa o dla stasion!!!

Finalmente artorn a Fan!!
E' na festa tropa bela
e benché so' fort e san
sent tle gamb la tremarela.

L'emusion com un purgant
me fa smova i ragujam
e la testa m' gira tant
che so' tont cum un salam.

Sti diec ann de bruta storia,
che m'han tnut distant da Fan,
voj scurdà fra la baldoria
beva, rida e fa bacan.

Ve voj veda na giurnata
cum usava ai temp antich
gent alegra e spensierata
tuti insiem da boni amich.

Arcurdav ch'è Carneval
quest ve dic el nòster Va
en pensat buf e cambial
stat alegri e fat sciabà.

Il Vs. aff. EL VA

* * * * *

LA BUTEGA DL'ALEGRIA

(1951)

Quand se boca tl'invernata
dventa Fan indurmentata,
moscia, sita, infredulita
sensa fiat e sensa vita;
ti cafè i sòlit discors,
quàter gat vedi pel cors;
chius le fnèster e chius le port
par el regn di becamort.
Per fortuna a tienla viva
sèmper c'è cla cumitiva.
E' cla solita cungrega
che a un cert punt opra butega,
che mastrìcia che muscina
da la sera a la matina;
pu la gent, sal geni e l'art
boca dentra e ce prend part.

Chi de prèscia, chi de pas,
chi sta sit e chi fa 'l chias,
chi smagona e s'arabisc;
pu a la fin cu parturisc?...
Un miràcul d'alegria,
de culor, de fantasia,
tant genial e surprendent
che fa armana tanta gent

a guardà mesa incantata
sa la boca spalancata.
Furestier e gent nustrana
càlan giù com la fiumana.
C'è chi c' tien a esa present
el giuvdì al riceviment,
chi va in maschera al velion;
pu, per el CARNEVALON,

cala giù anca la campagna
che sent l'aria de cucagna
e sal get boca én ti visi
pu i ce scapa i spusalisi.
Quand chi pup de cartapesta
propri tel più bel dla festa
su e giù pàsen davcin
prend ma tuti chel rusghin;

chel rusghin ch' a la sfilata
fa la gent rida beata,
tirà i dolc e fa sciabà,
la baldoria del gran VA.
Pu tra i foch artificial
bruscia e mor el Carneval,
cala e sciora el gran bacan
e la gent sciama da Fan

sciolta o a muchi cum la trupa;
chi al verd, chi sa la glupa.
El giorn dop quand cla cungrega
avrà chius la su butega,
manca un can vedi pel cors;
ti cafè i sòlit discors;
chius le fnèster, chius le port:
propri el regn di becamort.

* * * * *

EL SANT CMAREL

(1956)

Dop tanti ann che i por psares
de cargat han fat le spes
se crédeven, finalment,
d'avec pres el sopravent.
E dicéven: - Fan è fnit,
è già mort e sepelit. -
Quand sta rasa de vulon
i cantàven le funsion,
già siguri de fa el bis
- sal squadron ch'avem dla Vis -
han avut na fregatura
sa cla sòlita figura,
per chi ha bsogn d'una lesion
e d' levas le fìsasion.
I tré "C" che han tirat fora
j' ha purtati via la bora
ch'ha mandat S. Paternian,
e per fa véncia ma Fan
c'ha mandat el "C" più bel
el Sant "C" che fa: "CMAREL"
Pori can, pori psares!
I perseguita st'arnes!!!
Per scurdà sta delusion
che han avut en tel palon
i c'è armast ma sti puret
sol el circul di "urganet".
Por psares, pori cagnacc!!,
èn ardoti com i stracc!!!

* * * * *

MESSAGGIO DEL CARNEVALE

(1957)

Ho saput che per paura
del temp trist, dla jetatura,
o perché c'era dò buf,
(o qualcun era un po' stuf)
pla cagnara del Canal
e la firma dla gambial
(che ma tuti fa un po' mal)
giva a mont el Carneval.

Ha ragion propri mi moj,
dic: - Fan rida anca ma i poj -
Mo s' capisc, ragasi mia!!
Questa è tuta ciuflaria.
Per fortuna, so' cuntent,
che c'è stata dl'altra gent
sensa fregn, sensa milion,
(èn parenti del Vulón)
che han pres tuta sta baraca
e pu han dit: - O ch'va o ch'spaca!-.

E' per quest, cari fanes,
che og lasc el mi paes
e veng giù da la Tumbacia
a caval d'na c...cavalacia:
per purtav tra la baldoria
la bandiera dla vitoria.

Giuachin dla Staciola
Duca dla Carnevalesca

* * * * *

MESSAGGIO DEL CARNEVALE

(1958)

Dal primo binario della sottostazione viaggiatori lunari è pervenuto il seguente messaggio speciale.

Citadin dla Dea Furtuna!!
Vengh ades dal mond dla luna
e per gì propri a la moda,
sal siluro sa la coda
a caval nirò un po' a spas
tra i fanes pel Giuvdì Gras.
En vengh più da la Staciola,
mo el sapet so' de parola.

E' dventat roba urdinaria
per la gent girà 'n po' a pr'aria
e per strada, per nì a Fan
c'era i rus, j american,
ho incuntrat i can vulant
e perfin qualch cumerciant.
Pu fra tuti sti vulón
c'era anca l'ucel grifon
che vulava tut slalat
tra dó spìrit... canfùrat.

So' sigur, el Carneval
che quest'an sarà special;
al Veglion, ragasi mia,
ce sarà gran alegria
e pr'el VA, se c'è el temp bel,
ve farin veda le stel
e ridrin tuti cuntent
tra sti gran divertiment.

il Vostro Aff.mo GIUACHIN
DUCA della CARNEVALESCA
e CAVALIER della LUNA

* * * * *

ARIVA GIGIN DEL TAVERNEL

(1959)

So' Gigin del Tavernel
e so' stat sa i pied a mol
per nì a Fan. Sarò el più bel
e darò scola de bal.

So' dla giunventù arcisa
sa i capei a la sustósa
i calson corti a mezasta
la camiscia tuta in vista,
d'elegansa trascurata,
disperat com na cumeta.
Prend la vita a la carlona
cigh la goma americana,
so' campion de rock end rol
dagh i calc in tel fut bal.
C'ho na voc tel gargamèl
a la moda d'og: tu stril.
E le don?... sa un det t'un ochi
o ch'i dag un mors t'n'urechi,
cot ales, frit o in putachi,
quel me càschen tut in g'nochi.
Ades, pu, so' na gran scensa,
bal sal cerchi a meza pansa
com d'intorn a na bigonsa,
sa che grasia, che muvensa!!

So' genial e dur un pes
jì spend poch mo fag el lus,
se vlet rida a più non pos
'nim a veda el giuvdì gras.

Sarò el vòster
GIGIN DEL TAVERNEL
Dla società Fra Brusciati Arcisi e Infumichiti

* * * * *

EL BEL GIGION

Me dirit: "Brut fiol d'un can
té facevi chel bacan
che arivava dal brecion?
! Eri té chel bel Gigion
sal cariol che va a mutor
che du' c'era i cavulfior
e la gent che giva a cacia
té i spaventi la becacia,
e le copi ch'fan l'amor
scàpen via dal gran rumor
e ma i rosp e le ranochi
en i fai più chiuda 'n ochi?!"

"Sì, so'jì chel bel Gigion,
che va in gir sal cariulon
a mutor, che fa chel chias.
Vengh a Fan pel Giuvdì Gras
e sarò per Carneval
ben cundit sal pep e el sal,
e la salsa dl'alegria;
starin ben in cumpagnia,
preparat le castagnòl
e na muchia de bel fìol."
Ed intant, o citadin,
ve salut dal go-kartin.

El vòster Bel Gigion del Go-Karneval.

* * * * *

I PRUVERBI AL CARNEVAL

Fin dal temp rernot e antich
l'om vestit de foja d' fich
di pruverbi la sapiensa
sempr'è stat a cunuscensa.

Du' ste mond, ch'è tut paes
gambia sol us e pretes,
dapertut, prò l'ucasion,
ha fat l'om ladre e birbon.
Perché, dic: "Chi s'indurmenta,
gnent brudet sa la pulenta".
E sicom a Carneval
ogni schers se sa che val,
nò ch'aven imparat l'art
l'aven misa da sta part.

Quel ch'en vien al "Cors" en c' ved,
(e per quest dop en ce cred)
è chel tal che va pian pian,
va dalongh, ariva san,
a cumprà la moj e i bua
tut cuntent al paes sua;
prò dla gata fa la fin
e tel lard lascia el sampin.
E dop dic: "Acqua pasata
Ogni roba è macinata".
Stù c'ha el pan, mo i manca i dent,
(e per quest en capisc nient!).

I ot pruverbi.

* * * * *

POESIA di GIACOMO GABBIANELLI

El Carneval de Fan

Lasciâtle dì ma me, ché en dig bugia,
so' cumpetent sigùr e en me cunfond:
el Carneval de Fan, ragasi mia,
è el Carneval più bel de tut el mond…
...perché, en è vera? Còo? Sta bon,
Viaregio… sa nô en c'è manca paragon!
Lora perché c'han tut i santarìn,
c'han el post e c'è chi j da i quadrìn
e se i sold mànden l'acqua per dinsù
sai quanti car pòlen manda su e giù!
Mo la gent sta malì sensa fâ gnent,
è sol in tel guardâ el divertiment.
Cum a Vanesia, che a dì la verità
sa nô propi en el so cu c'entrarà.
Malì chi se vest se met in t'un campièll
e aspeta che qualcun j dic ch'è bell.
Quei, insoma, è i "carnevali del vedere";
tel nostre, invec, c'è il dare e c'è l'avere,
chi vien a Fan per el Carnevalon
el sa ch'en ha da stâ cum un cuajon,
s'ha da mova, s'ha da dâ da fâ,
ha da prenda, ha da arcoja, ha da tirâ.
E prend e tira, vedi tut apraria
una gran nuvulona de dolciaria,
tut el popul se sbracia, apra le umbrèll
le cupert i capei le catinèll,
le scialp, le mantèll, le bors dla spesa,
o arpata le man per fâ la presa;
la gent chiama e rid tuta afanâta
e i piov adòs un fìum de ciculâta,
per arcoja se méten giù a cuvion
e j n'arpiòv n'antratant in tel grupòn;
dal car squisa el get che bona j va
da sopra, da sota, e dla e de qua,
ragasi mia, na roba, na roba......presapòch
è cum scupiasa na fabbrica de foch,
è tu un straferi, tu un rapascet
de baci, banân, de ciculât da n'ètt,
i pacch de caramèll, scatul inter,
che a un cert punt el ciel dventa tut ner.
E te che si' mali, te guardi a tond
e vivi el carneval più bel del mond.